Tema 2 · Números reais← Todas as webs

Valor absoluto e desigualdades

O valor absoluto $|x-a|$ mide a distancia entre $x$ e $a$ na recta real. Por iso $|x-a|\lt r$ significa «$x$ está a menos de $r$ de $a$», é dicir, $x\in(a-r,a+r)$. Resolver unha desigualdade co valor absoluto é ver onde está a gráfica por debaixo (ou por riba) dunha recta horizontal.

Que observar

  1. $|x-a|\lt r$ é un intervalo aberto centrado en $a$ de radio $r$; $|x-a|\gt r$ é a unión de dúas semirrectas. Se $r\le 0$, a primeira non ten solucións.
  2. Na suma de distancias $|x-a|+|x-b|$, a gráfica é constante igual a $|a-b|$ entre $a$ e $b$: calquera punto do segmento está «de camiño». Por iso, se $r\lt|a-b|$, non hai solucións.
  3. Desigualdade triangular: $|x+y|\le|x|+|y|$, con igualdade exactamente cando $x$ e $y$ teñen o mesmo signo (ou algún é 0).

Material complementario do libro Cálculo I. No libro: Tema 2, sección «Valor absoluto dun número real».