Tema 5 · Sucesións de números e vectores← Todas as webs

Sucesións de vectores

Unha sucesión de vectores $\mathbf a_n=(x_n,y_n)$ converxe a $\mathbf L=(L_1,L_2)$ se $\|\mathbf a_n-\mathbf L\|\to 0$: para todo $\varepsilon>0$, a partir dalgún $N$ todos os puntos están dentro da bola $B(\mathbf L,\varepsilon)$.

$\mathbf a_n\to\mathbf L \iff x_n\to L_1$ e $y_n\to L_2$, xa que $\max\{|x_n-L_1|,|y_n-L_2|\}\le\|\mathbf a_n-\mathbf L\|\le|x_n-L_1|+|y_n-L_2|$.

Que observar

  1. No plano os puntos achéganse ao límite; á dereita, cada compoñente é unha sucesión de números reais que converxe por separado.
  2. A espiral $\frac1n(\cos n,\sen n)$ achégase a $(0,0)$ dando voltas, aínda que ningunha compoñente é monótona.
  3. $(\cos n,\sen n)$ non converxe: os puntos están todos na circunferencia unidade e non se achegan a ningún punto concreto. Ningunha das compoñentes converxe.
  4. Se só unha das compoñentes non converxe, a sucesión de vectores tampouco converxe.

Material complementario do libro Cálculo I. No libro: Tema 5, sección «Sucesións de vectores».