Límites laterais e tipos de descontinuidade
$f$ é continua en $a$ se $\lim_{x\to a}f(x)=f(a)$. Para clasificar o que falla calculamos os límites laterais $f(a^-)=\lim_{x\to a^-}f(x)$ e $f(a^+)=\lim_{x\to a^+}f(x)$:
- evitábel: os dous laterais existen, son finitos e iguais, pero non coinciden con $f(a)$ (ou $f(a)$ non existe);
- de salto: os laterais existen e son finitos pero distintos;
- infinita: algún lateral é $\pm\infty$;
- esencial (oscilante): algún lateral non existe.
roda para ampliar arredor de a
Que observar
- Move $h$ cara a 0: os puntos $a-h$ e $a+h$ achéganse a $a$ e os valores da táboa estabilízanse (ou non).
- Na descontinuidade evitábel bastaría redefinir $f(a)$ para facela continua; nas outras é imposíbel.
- En $\sen\frac1x$ os valores seguen percorrendo todo $[-1,1]$ por moito que achegues $x$ a 0: o límite non existe.
Material complementario do libro Cálculo I. No libro: Tema 7, sección «Funcións reais dunha variábel real continuas».