Tema 7 · Límites e continuidade (unha variábel)← Todas as webs

Asíntotas

Estudamos $f(x)=\dfrac{a x^2+bx+c}{x-d}$. Dividindo os polinomios,

$f(x)=a x+(b+ad)+\dfrac{r}{x-d},\qquad r=ad^2+bd+c.$

Se $r\neq0$, a recta $x=d$ é unha asíntota vertical. Cando $x\to\pm\infty$, o último sumando tende a 0, así que $y=ax+(b+ad)$ é asíntota oblicua (ou horizontal se $a=0$).

arrastra · roda para ampliar

Que observar

  1. A diferenza entre a función e a asíntota, $\frac{r}{x-d}$, tende a 0 cando $|x|\to\infty$: afasta o punto $x_0$ e compróbao.
  2. O signo de $r$ decide por onde se achega a gráfica: por riba ou por debaixo da asíntota, e cara a $+\infty$ ou $-\infty$ á beira da vertical.
  3. Se $r=0$ (o numerador anúlase en $d$) a asíntota vertical desaparece: queda só un oco na recta $y=ax+(b+ad)$.
  4. Para atopar a oblicua en xeral: $m=\lim\frac{f(x)}{x}$ e $n=\lim\big(f(x)-mx\big)$.

Material complementario do libro Cálculo I. No libro: Tema 7, sección «Límite dunha función».