Tema 8 · Cálculo diferencial (unha variábel)← Todas as webs

Polinomios de Taylor

O polinomio de Taylor de orde $n$ de $f$ centrado en $a$ é o único polinomio de grao $\le n$ que ten o mesmo valor e as mesmas $n$ primeiras derivadas que $f$ en $a$:

$\displaystyle P_n(x)=\sum_{k=0}^{n}\frac{f^{(k)}(a)}{k!}(x-a)^k,\qquad f(x)-P_n(x)=\frac{f^{(n+1)}(\xi)}{(n+1)!}(x-a)^{n+1}$ para algún $\xi$ entre $a$ e $x$.
arrastra o centro a e o punto x
erro $\log_{10}|f(x)-P_n(x)|$

Que observar

  1. Preto do centro a aproximación é excelente e mellora ao aumentar $n$; lonxe del pode ser mala.
  2. Para $e^x$, $\sen x$ e $\cos x$, aumentando $n$ a zona de boa aproximación esténdese tanto como queiras.
  3. Para $\ln(1+x)$ con centro 0, fóra de $(-1,1]$ os polinomios non se achegan á función por moito que aumentes $n$: o mesmo fenómeno que o radio de converxencia das series de potencias.
  4. No gráfico do erro, preto de $a$ a curva cae como $(n+1)\log_{10}|x-a|$: cada orde máis gaña precisión.
  5. $\sen x$ é impar: os seus polinomios centrados en 0 só teñen potencias impares, e $P_{2m+1}=P_{2m+2}$.

Material complementario do libro Cálculo I. No libro: Tema 8, sección «Teorema de Taylor».