Tema 8 · Cálculo diferencial (unha variábel)← Todas as webs

O método de Newton-Raphson

Para resolver $f(x)=0$ partimos de $x_0$ e cortamos a tanxente co eixe $OX$:

$\displaystyle x_{k+1}=x_k-\frac{f(x_k)}{f'(x_k)}.$

Preto dunha raíz simple a converxencia é cuadrática: o número de cifras correctas aproximadamente duplícase en cada paso.

arrastra x₀ · roda para ampliar

Que observar

  1. Con $x^2-2$ e $x_0=1$: 1, 1,5, 1,41667, 1,4142157, 1,41421356237... (o método de Herón para $\sqrt2$).
  2. Se $x_0$ está preto dun punto con $f'(x_0)\approx0$, a tanxente é case horizontal e o seguinte iterado sae disparado lonxe.
  3. Con $x^3-2x+2$ e $x_0=0$ o método entra nun ciclo: 0, 1, 0, 1, ...
  4. Con $\sqrt[3]{x}$ o método diverxe desde calquera $x_0\neq0$: $x_{k+1}=-2x_k$.
  5. Nunha raíz dobre ($x^2$, $(x-1)^2(x+2)$ en $x=1$) a converxencia só é lineal: o erro redúcese á metade (ou nunha proporción fixa) en cada paso.

Material complementario do libro Cálculo I. No libro: Tema 8 e práctica de Newton-Raphson.