Tema 8 · Cálculo diferencial (unha variábel)← Todas as webs

Monotonía, extremos e concavidade

O signo de $f'$ indica onde $f$ crece ou decrece; o signo de $f''$ indica a curvatura: convexa (gráfica por riba das tanxentes) se $f''>0$ e cóncava se $f''\lt0$.

Se $f'(c)=0$ e $f''(c)>0$, $f$ ten un mínimo relativo en $c$; se $f''(c)\lt0$, un máximo relativo. Os puntos onde $f''$ cambia de signo son puntos de inflexión.
$f$ e a súa tanxente
arrastra o punto
$f'$ (verde: $f$ crece, vermello: decrece)
$f''$ (azul: convexa, laranxa: cóncava)

Que observar

  1. Os ceros de $f'$ aliñados verticalmente cos máximos e mínimos de $f$; os ceros de $f''$ cos puntos de inflexión, onde a tanxente atravesa a gráfica.
  2. Nunha zona convexa a tanxente queda por debaixo da gráfica; nunha cóncava, por riba.
  3. Con $x^4$ en $x=0$: $f'(0)=f''(0)=0$ e hai mínimo. O criterio da segunda derivada non decide, pero o signo de $f'$ si.
  4. Con $x^3$ en $x=0$: $f'(0)=0$ pero non hai extremo, senón inflexión.

Material complementario do libro Cálculo I. No libro: Tema 8, sección «Teoremas do cálculo diferencial».