Tema 10 · Límites e continuidade (varias variábeis)← Todas as webs

Campos escalares: superficies e curvas de nivel

Un campo escalar $f:\mathbb R^2\to\mathbb R$ represéntase de dúas maneiras complementarias: a gráfica $z=f(x,y)$, unha superficie en $\mathbb R^3$, e as curvas de nivel $\{(x,y):f(x,y)=c\}$, como nun mapa topográfico. Cada curva de nivel é a proxección dun corte horizontal da superficie á altura $z=c$.

gráfica $z=f(x,y)$ (arrastra para rotar)
curvas de nivel (clic para escoller nivel)

Que observar

  1. Onde as curvas de nivel están xuntas a superficie é empinada; onde están separadas, é case plana.
  2. $x^2+y^2$ (paraboloide) ten circunferencias como curvas de nivel; $x^2-y^2$ (sela) ten hipérboles, e o nivel $c=0$ é un par de rectas que se cruzan.
  3. Arredor dun máximo ou mínimo as curvas de nivel son curvas pechadas que se reducen a un punto; nun punto de sela crúzanse.

Material complementario do libro Cálculo I. No libro: Tema 10, sección «Campos escalares e vectoriais».