Tema 1 · Integración múltiple← Todas as webs

Teorema de Fubini: integrar por franxas

Se $D=\{(x,y): a\le x\le b,\ g_1(x)\le y\le g_2(x)\}$, o teorema de Fubini permite calcular a integral dobre como unha integral iterada: para cada $x$ integramos ao longo da franxa vertical e despois sumamos as franxas.

$\displaystyle\iint_D f\,dA=\int_a^b\underbrace{\left(\int_{g_1(x)}^{g_2(x)} f(x,y)\,dy\right)}_{A(x)}dx=\int_c^d\left(\int_{h_1(y)}^{h_2(y)} f(x,y)\,dx\right)dy.$
arrastra a franxa

Que observar

  1. Cada franxa achega $A(x)\,dx$; a área baixo a curva $A(x)$ da dereita é a integral dobre.
  2. Cambiando a orde as franxas son horizontais e a función $A(y)$ é outra, pero a área baixo ela é a mesma: iso é o teorema de Fubini.
  3. Os límites da integral interior dependen da variábel exterior; os da exterior son sempre constantes.

Material complementario do libro Cálculo II. No libro: Tema 1, sección «Cálculo das integrais múltiples: Teorema de Fubini».