Tema 3 · Integración sobre curvas← Todas as webs

Traxectorias, velocidade e reparametrización

Unha traxectoria é unha aplicación $\mathbf c:[a,b]\to\mathbb R^n$. A súa imaxe é a curva; a traxectoria inclúe ademais como se percorre: a velocidade $\mathbf c'(t)$ é tanxente á curva e a rapidez é $\|\mathbf c'(t)\|$. A lonxitude é $\ell=\int_a^b\|\mathbf c'(t)\|\,dt$.

Unha reparametrización $\mathbf c\circ h$ debuxa a mesma curva con outra velocidade. Se $h$ é crecente conserva a orientación; se é decrecente, invértea.

Que observar

  1. As reparametrizacións cambian a lonxitude do vector velocidade e o tempo que se tarda, pero non a curva nin a súa lonxitude.
  2. Coa reparametrización inversa a partícula percorre a curva ao revés: a velocidade apunta en sentido contrario.
  3. Na hélice a rapidez é constante e a aceleración apunta sempre cara ao eixe: é a aceleración centrípeta.

Material complementario do libro Cálculo II. No libro: Tema 3, sección «Concepto de traxectoria».