Tema 3 · Integración sobre curvas← Todas as webs

Campos conservativos: independencia do camiño

Un campo é conservativo se $\int_C\mathbf F\cdot d\mathbf r$ só depende dos extremos de $C$; equivalentemente, se a circulación en toda curva pechada é nula, ou se $\mathbf F=\nabla\varphi$, e entón $\int_C\mathbf F\cdot d\mathbf r=\varphi(B)-\varphi(A)$.

Irrotacional ($\operatorname{rot}\mathbf F=\mathbf 0$) implica conservativo só se o dominio é simplemente conexo. O remuíño $\dfrac{(-y,x)}{x^2+y^2}$ é irrotacional en $\mathbb R^2\setminus\{0\}$, pero a súa circulación arredor da orixe vale $2\pi$.
arrastra A, B e o punto de control

Que observar

  1. Co campo gradiente, move o punto de control: o traballo non cambia.
  2. Co remuíño, mentres os dous camiños non rodeen a orixe por lados distintos o traballo coincide; se un pasa por riba e outro por debaixo da orixe, difiren en $2\pi$.
  3. Co campo $(-y,x)$ (non irrotacional) o traballo depende sempre do camiño.

Material complementario do libro Cálculo II. No libro: Tema 3, sección «Campos irrotacionais e conservativos».