Tema 3 · Integración sobre curvas← Todas as webs

Circulación e sustentación

O fluxo potencial dun fluído ideal de velocidade $U$ arredor dun cilindro de radio $a$, ao que se lle engade unha circulación $\Gamma$ (en sentido horario), ten liñas de corrente $\psi=$ constante con

$\displaystyle\psi=U\Big(y-\frac{a^2y}{x^2+y^2}\Big)+\frac{\Gamma}{2\pi}\ln\sqrt{x^2+y^2},\qquad \oint_C\mathbf v\cdot d\mathbf r=-\Gamma,\qquad L=\rho\,U\,\Gamma\ \ \text{(Kutta-Joukowski)}.$

A circulación arredor do perfil, unha integral de liña, determina a forza de sustentación por unidade de envergadura.

Que observar

  1. Con $\Gamma=0$ o fluxo é simétrico e non hai sustentación: os puntos de estancamento están diante e detrás.
  2. Ao aumentar $\Gamma$, o fluído vai máis rápido por riba e máis lento por debaixo. Por Bernoulli, a presión é menor arriba: aparece a sustentación.
  3. Os puntos de estancamento baixan, con $\sen\theta_s=-\dfrac{\Gamma}{4\pi Ua}$; cando $\Gamma>4\pi Ua$ despréndense do cilindro.
  4. A circulación calculada numericamente sobre o círculo vermello non depende do seu radio: o campo é irrotacional fóra do cilindro.

Material complementario do libro Cálculo II. No libro: Tema 3, sección «Aplicacións á enxeñaría aeroespacial».