Tema 4 · Integración sobre superficies← Todas as webs

Fluxo dun campo a través dunha superficie

O fluxo dun campo $\mathbf F$ a través dunha superficie orientada $S$ mide canto «atravesa» o campo no sentido da normal escollida:

$\displaystyle\iint_S\mathbf F\cdot d\mathbf S=\iint_S\mathbf F\cdot\mathbf n\,dS=\iint_D\mathbf F(\Phi(u,v))\cdot(\mathbf T_u\times\mathbf T_v)\,du\,dv.$

Se $\mathbf F$ é a velocidade dun fluído, é o volume que cruza a superficie por unidade de tempo.

Que observar

  1. As frechas verdes atravesan no sentido da normal (achegan fluxo positivo); as vermellas, en sentido contrario.
  2. O campo $(-y,x,0)$ é tanxente á esfera e ao cilindro: o fluxo é 0 aínda que o campo non se anule.
  3. Ao inverter a orientación, o fluxo cambia de signo; a área non.
  4. Para $\mathbf F=(x,y,z)$ e a esfera unidade coa normal exterior, $\mathbf F\cdot\mathbf n=1$ e o fluxo é a área, $4\pi$.

Material complementario do libro Cálculo II. No libro: Tema 4, sección «Integración de campos vectoriais sobre superficies».