Tema 6 · Ecuacións diferenciais de primeira orde← Todas as webs

Baleirado dun depósito (lei de Torricelli)

Un depósito cilíndrico de sección $A$ desaugua por un orificio de área $a$. Pola lei de Torricelli a auga sae con velocidade $C_d\sqrt{2gh}$ ($C_d$: coeficiente de descarga), e o balance de volume dá

$\displaystyle A\,\frac{dh}{dt}=-aC_d\sqrt{2g\,h}\qquad\Longrightarrow\qquad \sqrt{h(t)}=\sqrt{h_0}-\frac{aC_d}{A}\sqrt{\frac g2}\;t,\qquad T=\frac{A}{aC_d}\sqrt{\frac{2h_0}{g}}.$
depósito

Que observar

  1. A altura baixa cada vez máis amodo (a presión diminúe), pero o depósito baleirase nun tempo finito $T$, non asintoticamente como no arrefriamento.
  2. Á dereita, depósitos que comezaron a baleirarse en instantes distintos están todos baleiros no instante final: a solución $h\equiv0$ e as curvas que chegan a ela comparten o mesmo estado. A unicidade falla cara atrás porque $\sqrt h$ non é lipschitziana en $h=0$.
  3. Cos datos do exemplo do libro ($A=1$ m², $h_0=2$ m, $a=10$ cm², $C_d=0{,}6$) sae $T\approx1064$ s, uns 18 minutos.
  4. $T$ crece coma $\sqrt{h_0}$: catro veces máis altura só dobra o tempo.

Material complementario do libro Cálculo II. No libro: Tema 6, sección «Aplicacións á enxeñaría aeroespacial».