Tema 7 · Ecuacións diferenciais de segunda orde← Todas as webs

Oscilacións forzadas e resonancia

Cunha forza periódica, $m\,x''+c\,x'+k\,x=F_0\cos\omega t$. A solución é a suma dun transitorio (solución da homoxénea, que se amortece se $c>0$) e dun réxime estacionario de amplitude

$\displaystyle A(\omega)=\frac{F_0}{\sqrt{(k-m\omega^2)^2+(c\,\omega)^2}}.$

Se $c=0$ e $\omega=\omega_0=\sqrt{k/m}$ hai resonancia pura: a solución particular é $\dfrac{F_0}{2m\omega_0}\,t\operatorname{sen}\omega_0t$ e a amplitude crece sen límite.

curva de resposta $A(\omega)$

Que observar

  1. Pasado o transitorio, o sistema oscila coa frecuencia da forza $\omega$, non coa propia.
  2. Cun amortecemento pequeno, a amplitude é enorme preto de $\omega_0$: é o motivo polo que se evitan as frecuencias propias nas estruturas (ponte de Tacoma, flameo das ás).
  3. Con $c=0$ e $\omega$ próxima a $\omega_0$ aparecen batidos: a amplitude sobe e baixa periodicamente coa frecuencia $|\omega-\omega_0|/2$.

Material complementario do libro Cálculo II. No libro: Tema 7, sección «Mecanismo masa–resorte–amortecedor» (oscilacións forzadas).