Tema 9 · Sistemas de ecuacións diferenciais← Todas as webs

Plano de fases dun sistema lineal

As solucións de $\mathbf x'=A\mathbf x$ debúxanse no plano de fases como curvas (órbitas). Se $A$ ten autovalores reais $\lambda_1,\lambda_2$ con autovectores $\mathbf v_1,\mathbf v_2$,

$\mathbf x(t)=c_1e^{\lambda_1t}\mathbf v_1+c_2e^{\lambda_2t}\mathbf v_2$;   se son complexos $\alpha\pm i\beta$, as solucións xiran coa frecuencia $\beta$ e a amplitude varía como $e^{\alpha t}$.
preme para engadir unha órbita

Que observar

  1. As rectas dos autovectores son invariantes: unha solución que comeza nelas queda nelas.
  2. Nun nodo as órbitas chegan á orixe tanxentes ao autovector do autovalor de menor valor absoluto (a dirección «lenta»).
  3. Nun punto de sela só as órbitas da recta estábel van á orixe; calquera perturbación fai que a solución escape.

Material complementario do libro Cálculo II. No libro: Tema 9, sección «Sistemas lineais de coeficientes constantes».